مقادير العجينة

2 معلقة مائدة ماء دافىء لتدويب الخميرة
2 معلقة و ربع صغيرة خميرة فورية
رشة سكر
1/2 كوب حليب دافىء
6 معالق مائدة سكر
5 معالق مائدة زبدة فى درجة حرارة الغرفة
معلقة صغيرة ملح
2 صفار بيض
بشر برتقالة
2 1/4 كوب دقيق

الحشوة

1/4 كوب زبدة
1/2 سكر بنى
6 تفاحات مقشرة و مقطعة (ممكن كمثرى)
بشر برتقالة
بشر ليمون
معلقة صغيرة قرفة
رشة حبهان بودرة
1/3 كوب بسكوت مجروش (سافوايار او اى بسكوت تحبيه)

للدهان
بيضة مخفوقة مع معلقتين ماء

للجليز

1/2 كوب سكر بودرة
معلقة عصير برتقال
معلقة زيت برتقال (اختيارى و لكن اضافة ممتازة) روح البرتقال مثل الفانيليا

عمل العجينة

نشطى الخميرة مع السكر و الماء الدافىء
لمدة 15 دقيقة لغاية ماتعمل رغاوى
لو معملتش كده تبقى الخميرة ميتة و يجب استبدالها قبل اتمام العجن
سخنى الحليب و السكر و الزبدة بس مش يغلوا يسخنوا بسيط بس
امزجى المكونات السايلة
و المكونات الجافة و بعدين امزجيهم و اعجنى العجينة
و سبيها فى طبق غويط مدهونة زيت و ادهنى العجينة زيت و غطيها و سيبيها تخمر لغاية ماتتضاعف العجينة

عمل الحشوة

سخنى الزبدة على نار هادية و معاها السكر البنى
و قلبى كويس
و اضيفى التفاح
و قلبى كويس لغاية مايدبل
اضيفى البشر و البهارات
و سيبى المزيج يبرد خالص خالص خالص
افرشى الصينية بورق زبدة و رشى عليه دقيق
افردى العجينة و اعمليها 3 اقسام طولية عشان تعملى ضفيرة
الجزء اللى حاتعملى فيه الحشوة و حطى البسكوت المجروش عليه
ثم الحشوة و ضفرى العجينة
سيبيها تخمر 30 دقيقة فى مكان دافىء
ادهنى وش الفطيرة بالبيض
و بعدين دخليها تتخبز فى فرن سابق التسخين
لمدة 25 الى 30 دقيقة
طلعيها تبرد
بعد ماتبرد حطى عليها الجليز و الجليز لو كان سميك اوى زودى عليه عصير بس مش كتير

يتم الاستخدام المواد وفقًا للمادة 27 أ من قانون حقوق التأليف والنشر 2007، وإن كنت تعتقد أنه تم انتهاك حقك، بصفتك مالكًا لهذه الحقوق في المواد التي تظهر على الموقع، فيمكنك التواصل معنا عبر البريد الإلكتروني على العنوان التالي: info@ashams.com والطلب بالتوقف عن استخدام المواد، مع ذكر اسمك الكامل ورقم هاتفك وإرفاق تصوير للشاشة ورابط للصفحة ذات الصلة على موقع الشمس. وشكرًا!