-مقاطع عتاب
جايز غلطت وجايز انتـي غلطتـي
ماهو مهم الحين من كـان غلطـان
اللي مهـم الحيـن لا وقت ذكرتـي
قصة غلانا فاذكرينـي بالاحسـان
هـذا قدرنـا مايفيـد أن ندمـتـى
على الفراق أو صرت أنا يوم ندمان
اللي مهم الحين أبي لـو سمحتـى
ذكرك بخير لماضـيٍ بيننـا كـان
☆☆☆☆☆☆
حزين ولاقدرت أوصل نهايات الحزن والويل
حنون ولاقدرت أقسى ولاحتى على العدوان
غريب ولاقدرت أسكن كذا مدري بلا تفصيل
ولا أدري غربتي تلقى مساكن تكفل النسيان
تنسيني هموم الأمس والآهات والتنكيل
تعيشني بعيد عن سجن نفسي بلا سجان
وانا أكثر من سجن نفسه وسط نفسه يخاف القيل
حبس دمعه ورى اهدابه هدب عينه غدا قضبان
كتمت الهم في صدري واعرف انه علي ثقيل
وانا ادري عذب قليبي سكوتي واتعب الشريان
☆☆☆☆☆☆
شف كيف قلبي
قبل اجيلك..
حضر لك!
عليك يسبقني
وأنا مابعد..
جــيــت!
أخطـــيت؟!
و مسامح
وجيت..
أعتذر لك!
بالـلـه من يقدر!!
يقول أنك..
أخطيـــت!
☆☆☆☆☆☆
اعذريني لو على الفرقا قويـت
ماتركتي باختياري حـل ثانـي
كل شي فيه ضحيت ورضيـت
وللاسف قلبك باحاسيسه أنانـي*
جيت لك غيمه من الحب وهقيت
اني القى بوسط قلبك لي مكاني*
والله انـي يعلـم الله مانويـت
غير كل الخير ولك قلبي دعاني*
اعذريني لو عن ايامـك سليـت
ويش قلبك لو بغيت اندم عطاني
☆☆☆☆☆☆
ألي يصد وهاقي اني الاقيه
اقطع لساني لو لساني يحكي به..
والي يصد وشاف جرحي مسليه*
عندي حضوره يشبه غيابــــــه..
☆☆☆☆☆☆
سقــــــــاني المر ..*
عذبنيــــــ .. !!
ورمـــــــاني في عميق البيــــــر ..*
عقد صــــوتي و خلاني*
الوووذ بعضــــة ابهــــــامي .. !
وانا قد كنت له مـــــــوفي ..*
ولا مني بدا تقصيـــــــر ..*
يموت لدمعـــــة عيوني ..*
وامـــــــوت بعيــــــنه هيــــــــــامي .. !!
مـاعـاد بـاقـي بالعـمـر كـثــر مـافــات ..*
يالله عـسـى قلـبـك يـجـي فـــي مـســاري*
اختـرت احبـك واعشـقـك طــول الاوقــات ..*
ولاهــو بكيـفـي احـبــك فـــي خـيــاري*
اهـواك لـو عمـري مـعـك بــس لحـظـات ..*
واشــوف حـبـك مــن يـمـيـن ويـســاري*
لاصـــارت الـدنـيـا بـدايــة نـهـايــات ..*
واشـلـون ابـبـدى مـعـك والعـمـر جـــاري
☆☆☆☆☆☆
ليتنا مثل الهدب والرمش يا عمري نكون
لو تفارقنا ثواني نبتـدي لحظـه عنـاق
ليتنا مثـل الطفولـه بالبرائـه مانخـون
ماندل الاطريق الصدق مانعـرف نفـاق
ليتنا مثل الامومه قلبـي وقلبـك حنـون
لانت ترضى في فراقي ولا انا بعدك يطاق
ليت حبك لي جنوني مثل ماحبك جنـون
وليت شوقك لي مثل مانا على حر اشتياق
☆☆☆☆☆☆
دنيا من بعدك حشا والله مابيها..
ودربك لوهو ظلام الليل بمشيه..
مافي بروحي خير لوتبيع ماظيها..
ومافي بعمري يوم لو قال خليه..
وربي لخلص على الدنيا وامشي بمعازيها..
ان كان ودها تكدر قلبك وتبكيـــــــــه
☆☆☆☆☆☆
انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك*
ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك*
تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك*
وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك
رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك
رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك
كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك*
ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك
انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك
انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك
انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك*
ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك
ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك !!
☆☆☆☆☆☆
غلطانه أمي يوم على الطيب ربتني
تحسب ناسي مثل ناسها طيبين*
قالت سامح كل من عليك يخطي*
الناس تخطي وهم عن القصد ساهيين
مسكينه أمي من غير قصد ظلمتني*
مادرت ان الطيب وحده المسكين
هذا يايمه واقع زمـــــــــــــاني*
تحسب اني بجي عندك حبيبي وانحني لرضاك
ورب الكون ذا بعدك ولايمكن اسويها
أنا طبعي عزيز النفس مهما دارت الافلاك
بمشي نفسي بكيفي أبد مااحد يمشيها
محبه ماأبي منك محبه لو تجي برضاك
أبلعنها وبلعن كل شخص لي يطريها
☆☆☆☆☆☆
لاعاد تسأل عن مصيري وتشتااق
فكر بنفسك لايهمك ضياعي
يمكن نعاتب بعضنا يوم الفراق
لكن عتاب ماوراه انتفاعي
مايستمر حب الرسايل والاشعار
وصعبه يجي بعد الفراق اجتماعي*
☆☆☆☆☆☆
من عيوني ماطلبت الا القليل
حاضر ممنون عنك بابتعد
بأنسحب بصمت مابترك دليل
وأوعدك بنساك وانسى للأبد*
لاتظن البعد عنك مستحيل!!
لا ورب الكون واتحدى بعـــــد
☆☆☆☆☆☆
قطعت الوصل ياشاطر قوي القلب تعجبني
تحسب انا ناطر وشوقك لي معذبني*
انا ماهمني هاجر ولعب العيال ضحكني*
ولكن خليك الصابر وعلى فرقاك عودني*
علشان انساك بالاخر ومثلك ترى مايشرفني
التعليقات المنشورة لا تعبر عن رأي "الشمس" وانما تعبر عن رأي اصحابها.