أعربت الفنانة السورية أصالة عن حزنها الشديد بسبب خوف بعض الأشخاص من التعامل معها. وكتبت عبر حسابها الالكتروني: "مسا الخير. بدّي أحكي لكم حكايتين صاروا معي مبارح واليوم كتير مستغربتهم. فيه ملحّن سوري أنا حابّه شغله. وقلت بلكي بسمع منّه شي، فا قال الأستاذ "هي فرصة كبيرة. إنَّما أنا بخاف أتعامل مع أصالة. قالوله الوسطاء (وهي من عندهم) طب ما ينزل إسمك على العمل، قال: بخاف ينعرف".
وتابعت في تغريدة أخرى: "القصّة التانية... فيه ناس كمان سوريّين اهتمّوا بولادي وبعرف إنّهم اهتمّوا مشاني. شكرتهم وقلت دلّعهم زياده وأعملّ لهم بوست. بس قلت خلّيني أسألهم أوّل. الست تقريباً صارت تبكي وتترجّاتي مافكّر بالموضوع (مو تواضع! بل خايفة من أهلها الّلي بالشام يقاطعوها). معقول؟".
وعلقت على ذلك: "عادة بفكّر زيليون مرّه قبل ما أنشر أيّ موضوع، حتّى لو سخيف. إنّما هالمرّة مو قادرة ما عبّر وقول: أنا عن جدّ زعلانة ومن قلبي زعلانة. معقول المواضيع هالقدّ بتمشي بالعكس؟ ( إستغراب فسؤال)".
التعليقات المنشورة لا تعبر عن رأي "الشمس" وانما تعبر عن رأي اصحابها.